امروز سه شنبه۲۸ آذر ماه ۱۳۹۶ ساعت ۰۱:۵۷:۴۰

شناسه خبر: 1133
منتشر شده در تاریخ: ۲۹ اسفند ,۱۳۸۶
ساعت: ۹:۰۶ ب.ظ
گروه: کل اخبار

               با یاد استاد شهریار                                                به استقبال سال جدید برویمحيدربابا ، ايلديريملار شاخاندا سئللر ، سولار ، شاققيلدييوب آخاندا قيزلار اوْنا صف باغلييوب باخاندا سلام اولسون شوْکتوْزه ، ائلوْزه ! منيم دا بير آديم گلسين ديلوْزه                                                      (٢)                                                                                                       حيدربابا ، کهليک لروْن اوچاندا                                                                          کوْل ديبينَّن دوْشان قالخوب ، قاچاندا                                                                             باخچالارون […]

               با یاد استاد شهریار

                                               به استقبال سال جدید برویم
حيدربابا ، ايلديريملار شاخاندا

سئللر ، سولار ، شاققيلدييوب آخاندا

قيزلار اوْنا صف باغلييوب باخاندا

سلام اولسون شوْکتوْزه ، ائلوْزه !

منيم دا بير آديم گلسين ديلوْزه                                                      (٢)

 

 

                                                                                                  حيدربابا ، کهليک لروْن اوچاندا

                                                                         کوْل ديبينَّن دوْشان قالخوب ، قاچاندا

                                                                            باخچالارون چيچکلنوْب ، آچاندا

                                                                            بيزدن ده بير موْمکوْن اوْلسا ياد ائله

                                                                              آچيلميان اوْرکلرى شاد ائله

 

(٣)
بايرام يئلى چارداخلارى ييخاندا

نوْروز گوْلى ، قارچيچکى ، چيخاندا

آغ بولوتلار کؤينکلرين سيخاندا

بيزدن ده بير ياد ائلييه ن ساغ اوْلسون

دردلريميز قوْى ديّکلسين ، داغ اوْلسون

 

 

                                                             (٤)

                                                                                        حيدربابا ، گوْن دالووى داغلاسين !

                                                                                         اوْزوْن گوْلسوْن ، بولاخلارون آغلاسين !

                                                                                         اوشاخلارون بير دسته گوْل باغلاسين !

                                                                                          يئل گلنده ، وئر گتيرسين بويانا

                                                                    بلکه منيم ياتميش بختيم اوْيانا

 

 

(٥)
حيدربابا ،‌ سنوْن اوْزوْن آغ اوْلسون
!

دؤرت بير يانون بولاغ اوْلسون باغ اوْلسون !

بيزدن سوْرا سنوْن باشون ساغ اوْلسون !

دوْنيا قضوْ-قدر ، اؤلوْم-ايتيمدى

دوْنيا بوْيى اوْغولسوزدى ، يئتيمدى

 

 

                                                           (٦)
                                                                       حيدربابا ، يوْلوم سنَّن کج اوْلدى

                                                                       عؤمروْم کئچدى ، گلممه ديم ، گئج اوْلدى

                                                                       هئچ بيلمه ديم گؤزللروْن نئج اوْلدى

                                                                        بيلمزيديم دؤنگه لر وار ،‌ دؤنوْم وار


                                                                       ايتگين ليک وار ، آيريليق وار ، اوْلوْم وار

اخبار مرتبط :